سياسة اسحب السيفون !!
ياعيال .. أبقولكوم شيء خاطري أفضفضه وأقوله من زمان
عندي اعتقاد إن مستوى الدلاخة عند الناس يرتفع في رمضان وذلك نظراً للحرب الأهلية القائمة في المعدة بين الشوربة والسمبوسه
والتمر والماء والفيمتو و القهوه والشاهي وصحن الكباب وكبسة الرز وحلفائهم من أصابع العروسة ولقمة القاضي ( وفي رواية اخرى : اللقيمات )
والكنافة وغيره وغيراتوه من الأطباق الرمضانية المعروفة .. ولولا خوفي من تقاطر سعابيلكوم .. لكملت الباقي << وش عقبوه ؟!!
كل هالأشياء تتطاحن وتتهاوش في المعدة .. والذي يجعل الجسم في حالاته القصوى .. فيثور الدم ويضوج .. وينزل الدم اللي في المخ
لكي يساند الدم الذي في المعدة لكي يفك الهوشة .. وهذا مايجعل ثلاث ترباع الشعب في حالة من الدلاخة والسطالة بشكل
عااام .. تراه واضحاً جلياً عياناً بياناً عند اشارات المرور وفي أماكن تجمع الناس كالأسواق إلا من رحم الله .. انتهى كلامه يرحمه الله !!
و أغديك ماتشرح مره ثانية الله يرضى عليك ..!!
الذي دعاني لهذه المقدمه البسيطة جداً هو أنها لاصلة لها بالموضزيناللي أبحتسي عنه .. أنا قايلكوم من الأول إنه كلام بخاطري ودي أقوله !!
فيه ناس يالله لك الحمد ولك الشكر الله خالقه كذا بجيح ومغسولن وجهه بمرق ( اللهم لا اعتراض على خلقك ) .. بس ياعالم أنا أكره شيء إن يجيك واحد ويسحب
عليك السيفون .. يعني مثال .. يقولك صديقك إنه فاضي الساعة عشر بالليل مر علي خل نطلع نغير جو .. تدق عليه جوال مقفل ..تضل تدق مسوي فيها اتكيت إلى الساعة 12
طبعاً هذا بعد ماقضيت بعض الأشغال في هالساعتين .. ومير تنشغل .. تتفاجأ خويك اللي مواعده الساعة 10واللي سحب عليك سيفون .. يدق عليك ويقول معليش راحت علي نومة ..
ولغير المتحدثين بلغة أهل الكنغو الديمقراطي ة ( اسحب السيفون ) هذي معناها أصلاً هو الشيء اللي تسويه بعد ماتقضي حاجتك في الحمام
أعزكم الله .. وهذا الفعل ( سحب السيفون ) يتم فعله لكي يتم التخلص من الفضلات و كلمة (سحب السيفون).. هو اسقاط دقيق ومتقن ورائع جداً ومُبْهر على ارض الواقع
يعني إذا فيه أحد طنشك .. فهذا يعني أنه سحب عليك السيفون كأنك الشسمه .. والله تعالى أعلم !
ولاتحاول إنك تدور معنى لبق لكلمة ( اسحب السيفون ) فليس لها معنى آخر إلا ما تم ذكره !! ..
يعني إذا فيه أحد سحب عليك السيفون وسحب على والدي ولديك ولطعك مثلاً في موعد أنت مواعده
أو مثلاً عندك علاقة متينة مع أصدقائك .. وناس تعرفهم من يوم أنت بزر .. ويسحبون عليك سيفون ( يعني وين قيمة الصداقة والأخوة )
أو مثلاً .. ولا أقولكوم ماودي أكثر أمثلة ..أخاف يجيكم تلبك ( مخي ) حاد .. والعياذ بالله
لكن بشكل عام .. ( سحب السيفون ) تضرب مثلاً إذا كنت مواعد شخص ما وتركته ..
أو يكون لديك علاقة قوية مع شخص ومتعود عليه .. ثم يسحب عليك سيفون بسبب ظرف ما تتركون بعض وتنفصلون عن بعض
أو يمكن يكون بينك وبين وحده علاقة حب وتسحب عليه
وهذي حال الدنيا مثل ما تجمع تفرق ..
وتسمى ( صدمة عاطفية من فقد شخص عزيز )
وهذي ( الأخيرة ) قد لا تسمى سحبة سيفون كثر ما تسمى انفصال ..! .. لكن إذا كان الشخص اللي بينفصل عنك قاعد يسلك لك ويعطيك من الرخيص
ويتعذر لك بظروفه وإنه مايقدر يشوفك لأنه طاح على بيتهم قمر صناعي حق كوكب زُحل !!!!!!!! .. فستعلم حينها أنه قضى حاجته منك وإنه سحب السيفون !!
على كل حال
سياسة سحب السيفون لم تخرج إلا بعد الغزو الفكري والالكترون ي في حياة الناس .. وأصبح الناس عن بكرة أبيهم يا إما مشغولين بالناس أو بأنفسهم وبمصالحهم
ونادراً ماتلقى شخص عنده تلك القيم النبيلة أومهتم بإصلاح ذاته أو مجتمعه .. تلقى
الشخص ساحب سيفون على أقاربه .. بسبب أشياء كثيره منها مشاغل الحياة المختلفة ..
أو شاب ساحب سيفون على امه يوم تفضلت امه وشرت للولد سيارة جديدة .. فالولد كبر راسه وراح بأخوياه سفرة للبحرين لمدة اسبزينبالموتر الجديد ..!!<< وهذا جزاء لأمه وتقدير لها
أو يمكن الأم ساحبه سيفون على عياله ومهملتهم أو الأب ساحب سيفون على عياله بسبب الخلافات بينه وبين الأم اللي ماراح تنتهي !!
يمكن المرأة تكون ساحبة سيفون على حجابها .. والشباب ساحب سيفون على عبادته وقيامه بفرائضه الدينيه ناهيك عن واجباته ..!!
أشياء كثيرة في الحياة ممكن الواحد يسحب عليها السيفون .. بس حدد بالأول وش اللي يستاهل إنك تعيشه ووش اللي يستاهل تسحب عليه السيفون !!
وأعتذر عن اللفظ .. بس اللفظ معروف ودارج ومعناه ماشي بين الشباب .. مع جملة الألفاظ الماشية !!
ماكان من صواب فمن الله وما كان من خطأ فمني والشيطان
هذا ماأحببت قوله وأستغفر الله لي ولكم
ولا تنسوني من صالح دعائكم
