تحبه وتكرهه

يا إنسان .... هل مرة حبيت شخص لدرجة انك تكرهه ...تزوجته
من قبل ما تكون عرفته ....او .شفته


بعد الزواج فهمته.... درسته ...احترمته وعزيته ....هويته ..
صار في دمك ..ودك تملكه بس انه يملكك


لقيت في الشخص هذا كل اللي رجيته ....انت ما تدري انه يحبك.......
بس يقول انه يحبك.....يقول انه يبغيك ويغليك ..وأنت في خاطرك مصدق ولا أنت مصدق

تكذب على نفسك وتقول يا ريته الصدق....


مع الزمن زاد حبك له ..وقدر يثبت الحب والاحترام لك
وبعد الاثبات صدقته .. تعلقت فيه

ما تصدق ...ومن الفرحة تتشقق...وتقول في نفسك خلاص .....
أنا وخلي مثل السما والشمس ما نفترق


يزيد الحب.. ويزيد.. ويزيد ......وبعدها غاب عنك
حبيبك وانشغل ...راح.. وراجع لك بعد فترة قصيرة


صرت تسرح وتشرد مانت مع الناس اللي حولك كل ما تنعزل عن غيرك تدمع عيونك وما تدري وش السبب


تهوجس تقول ..وينه ..وش قاعد يسوي .. وش ناوي يسوي
كيفها صحته ...نومه اكله ...صحبته


زاد تفكيرك .... وزاد ....صرت تشكي وتبكي .... ساءت الحالة ..
واصحابك يطمنونك ..تراه راجع ...لا تخاف.. والله راجع



انت مو مقتنع مع انك معه ... كل خطوة تتصل فيه وتساله ....
ويجاوبك انا مرتاح ....مشتاق لك ....احبك ...ناقصني حنانك ....
وش هي حياتي بدونك ....ما لها داعي الدنيا بدونك



اثناء المكالمة ترتاح ..وتفرح ...وتقول :حبيبي باقي معي ..


ولما تخلص المكالمة ...ترجع الافكار كلها .....ومع الزمن ..
بدون الحبيب تحس الدقيقة شهر ..والساعة دهر


صار حبك هوس ...صرت تكرهه ...مع انك تحبه تكرهه ...
يرجع حبيبك بعد المعاناة ....تحظنه وانت تكرهه ...تحسه انسان ثاني
تساله وش فيك متغير...


انت عارف انه يحبك...تحتار ..ويجيك السؤال ::
انت يا انسان باقي تحبه ... وتجاوب اييه أحبه ..وأحبه وأحبه


الافكار تتراكم ...والدمزينتتراكم ...ويجي السؤال ...ليش باقي على هالحال
حبيبي وصلني ..وهذا هو نايم جنبي ...ليش انا ابكي..




راح الحبيب يزور الاهل .... ولا انت مستانس ...قال ودك تروح معي ..
قلت اكيد ....انت ما ودك ...بس وافقت ...


صرت تكره اهله ...تكرهه ...تكره الناس اللي تكرهه ...وتكره الناس اللي تحبه ...انت تحبه وفي نفس الوقت تكرهه


ترجعون البيت ...ودك تضربه ...تجرحه....بس من زود حبك له تحضنه
مع ان الدمعة وسط عينك من زود كرهه.....بس ...تحضنه


ما ودك تنام جنبه ..بس اذا طلع من الغرفة ناديته ..ارجع لا تروح ...
وانت كلك جروح


حبيبك مرتاح وانت محتار ..وش اللي صار ...
يالله يا شطار.... وشو اللي صار ....



هذي الحالة كثير ما تصير في كل المجتمعات وعندنا في الخليج
مرتكزة في الحياة الزوجية ..على ما اعتقد انها وضحت
بس ابغى احد يجاوبني


وتراه لغز
..لا تقولون ما له هدف