مرحبا ,, اسمي عوكل ,, اقطن في مدينة جميلة ,, وسط اجواء تفوق الوصف في الجمال .. فقط ان لم يعجبك الجو في هذه اللحظة (( عليك ان تنتظر ساعة ليتغير الجو )) << ماعلينا !!
بيتنا جنبه بيت (( اللي هم جيراننا )) << فهمتوا الوصف ولا اجيب سبورة الملتاع (( واحد من العيال ,, مالكم بالطويلة :هيستيريا) المهم ان جيراننا اللي بيتهم جنب بيتنا هذا اللي قبل شوي وصفته
ايه عرفتوهم هذولي من يومي في ثالث متوسط وهم ناقلين لبيت ثاني ومخلين بيتهم فاضي .. اتحدى احد يعرف وش الفايدة اللي بتعود علي من كون ان بيتهم فاضي .. ؟؟:ابتسامة10
مهما جاوبتوا !! غلط .. << كيفي موضوعي وانا حر ! :غضب: الفايدة العائدة علي من البيت المهجور .. هي .. اني استطيع ان اوقف سيارتي في ظلال شجرتهم !!! (( طبعا السعوديين من يومه في بطن
امه وابوه مولم له سيارة )) ^المهم هذي استراتيجيات عائلية بيروقرطية مااحب ادخلكم فيها:ابتسامة6: .. الشاهد من الموضوع اني كنت مستفيد استفادة قصوى من الشجرة اللي عندهم .. ( هذا وقد نسيت
ان اذكر لكم ان عندهم شجرة كبيرة وذات ظل فسيح وحولها نهر << الاخيرة اطمروها ..:سسابتسامة4: ) لدرجة اني تعودت اول مااجي من المدرسة علطول اوقف تحت الشجرة واطقها رجلية لبيتنا
توالت الايام ومرت الازمان ومازلت اوقف تحت الشجرة الحبيبة ( والله اني صرت اعشقها وحتى مرتن من المرارير << جمع مرة , الفت فيها قصيدة:قلب: , بس اني نسيتها:مريض: ) كبرت وصرت رجال
وصاروا اهلي يعتمدون علي في المشاوير المهمة والضرورية (( كاحضار اللبن من البقالة والخبز وغيرها من مستلزمات الحياة ))
وذات يوم وبينما انا كنت الهو لهوا بريئا مع اطفال حارتنا حيث اني كنت اسطرهم واخليهم يباشرون علي من البقالة واللي مايرضى ياويله:قهر: !! المهم اني وبينما انا على هذه الحال ..
شاهدت شبحا كبيرا قادما من اول الشارع وهاهو يقترب ويقترب .. وانا مرتعد متسمر مكاني لا استطيع الحراك .. وحينما اقترب هذا الشبح وبانت معالمه .. اذا به سيارة نقل كبيرة (( يعني ديّنا
عشان تنقل العفش )) توقف عند باب الجيران (( ذوليك اللي بيتهم جنب بيتنا )) ونزل طفل برئ صغير << امحق برئ !!:مريض: وبعده بثواني نزل رجال مهوب برئ ولاهوب صغير :ابتسامة4:!! من الشاحنة
واخذ يصيح بالولد : (( عمر !! يالله وانا ابوك تعال وخل عنك اللعب تعال نبي ننزل اغراضنا في البيت الجديد )) ,,
دار هذا المشهد الدرامي امام ناظري .. ولم اكن افكر حينها سوى انه سينضم لحارتنا طفل اخر (( مما يعني انه سيزيد عدد اللي سيباشرون علي من البقاففلة :ابتسامة
لم اهتم باية تفاصيل اخرى ,,
وبعد مرور شهر استقرت العائلة الكريمة في بيت جيراننا وقد استوضحت من ابي انهم استأجروا المنزل من ابو معاذ (( جارنا الاول )) ليقطنوا فيه .. وبعد يوم دراسي شديد اللهجة <<
لاحول ولاقوة الا بالله:قهر: !! وانا راجع من المدرسة ذاك اليوم كان حر والشمس جايبتن جهدها والله لو تجدع بيضة على الطريق العام كان صارت بيض عيون في اجزاء من الثانية .. :قنبلة:
<< لله درك ايها الجو المغوار !! :حزن:
اول ماوصلت للبيت كالعادة وقفت عند الشجرة الحبيبة ,, طفيت السيارة ,, طقيتها رجلية لبيتنا ,, دخلت البيت ,, سلمت على شغالتنا ,, مافيه في البيت الا انا وباقي العائلة في المدارس ,,
تغديت لوحدي ذلك اليوم << ايه بالعادة اتغدى مع اهلي ,, بس اني تعبان وماقدرت انتظرهم ,, ذهبت الى غرفتي استلقيت على السرير .. ادرت المكيف ,, انسدحت ,, نمت ,, وماصحيت
الا على ترجيف اهلي (( لا صلاة ولاعبادة ,, ماغير سهر في هالليول ونوم في الصبح:'( )) << كالعادة الموال اليومي ,, خذت لي قلم وورقة وكتبت الصلوات اللي علي في الورقة وقمت اصلي
واي صلاة اخلصها احط قدامها صح ,, عشان ماارجع واصليها ثانية .. !!:ابتسامة4: لقيت الوالدة الله يخليها لي مزهبة العشاء ,, تعشيت ,, طلعت من البيت باخذ لي كم فرة في الشوارع ..
وانا رايح لبيت جيراننا << سيارته موقفها عند باب بيتهم ,, ماامداني اركب السيارة وبشغل .. الا ويطلع لي عمر .. (( عمر ..هذاك الشاب البرئ الصغير اللي نزل من الشاحنة )) عرفتوووه ؟؟
انا طق فيني عرق اللقافة وقلت لازم اساله كم سؤال << ماقال بروح اعتذر عشاني موقف عند بابهم ,, واخذت منه معلومات تفيدني في حياتي اليومية .. مهب لازم تعرفونها !! توالت الايام وانا
على سباهتي اوقف عند باب بيتهم اجل احد مهبول يخلي الظل ويوقف في الشمس ..
ومن المواقف اللي اذكرها عن الشجرة .. انه في يوم من الايام كانوا اهلي مسافرين ومافي البيت احد .. (( بس انا اللي في البيت )) رحت اخلص لي مشوار في الظهر << ولا تسالون وش
ذا المشوار اللي في الظهر ,, عادي انا اصلن مشواري اغلبها الظهر:شيطان: << انا لله وانا اليه راجعون .. المهم اني رحت لمشواري ويوم جيت للبيت علطول رحت بوقف تحت الشجرة لكن لقيت
سيارة ابو عمر تحت الشجرة وقلت في نفسي الشجرة كبيرة وبوقف جنب سيارة ابو عمر وبدخل البيت ثواني وبطلع (( كنت ناسي شي في البيت وقلت بجيبه وبطلع مرة ثانية ))
وقفت سيارت قدام سيارة الجار .. بحيث اني سديت عليه (( اي : ماعاد يقدر يطلع سيارته )) وانا على اساس دقيقتين ونازل:مريض: .. يوم دخلت بيتنا والقى برنامج في التلفزيون شدني ..
وجلست اتابعه .. بعد ماخلص حسيت بالتعب .. رحت انام في غرفتي .. (( انا نسيت السيارة وموضوع سيارة ابو عمر - جارنا - )) ,, :ابتسامة8:
بيتنا مافيه احد .. انا اذا نمت والله لو تقوم الحرب العالمية العاشرة مااقوم .. سيارة ابو عمر مايقدر يطلع عليها ..
واترك لمخيلتكم تصور الموقف الحاصل لابو عمر ..:قهر:
يوم قمت من النوم .. وصحصحت واناظر الساعة كانت الساعة 8 الصبح .. (( وانا نايم تقريبا 2.30 العصر امس ,, وعليكم الحساب )) سمعت صوت ازعاج وتلزيخ يعني بالفعل كان فيه ازعاج
غير طبيعي في بيت جيراننا .. انا خفت عليهم وقلت لازم اروح اشوف وش السالفة .. << ياقلبي انت يالحنون .. وماكنك صاك على سيارتهم يوم كامل ؟؟ ..
بس قبل كذا ,, جبت ورقة وقلم وكتبت الصلوات .. وقضيتها وحطيت صح على الصلاة اللي خلصت منها ..!! :'(
يوم طلعت واناظر ابو عمر وعمر واذا بهم يناظرونني وعيونهم ملأها الشرر .. واذا بجانبهم شبح كبير (( هي ماغيرها ذيك اللي جت تنزل عفشهم )) ,, حاولت اشغل مخي شوي .. واكتشفت
انهم في حالة انتقال من بيت لاخر .. (( وهذا يعني شي واحد انهم بينقلون من بيت جيراننا )) وان دل على شي فهو سيدل على شي واحد فقط .. (( سيقل عدد الاطفال اللي بيباشرون علي
من البقالة )):مريض: << الله ابو اللي معلمك رياضيات .. وشلون تحسب انت !! :ابتسامة8:
رحلت عائلة ابو عمر .. ورجعت عبلة لعنتر:قلب: وليلي لقيس:قلب: وجولييت لروميو:قلب: والشجرة لعوكل:قلب: ..
مايستفاد من القصة :
بذمتك انت ووجهك فيه شي يستفاد .. انقلع بس .. :ابتسامة4:
لكن بووه نقاط بوضحها :
فكرة الموضوع حقيقية وصايرة لي صخصيا (( الي هي شجرة الجيران )) << عدا شي واحد الا وهو هروب الجيران من عندنا << ترا منيب شرير لذا الدرجة .. !! :شيطان:
جميع الاسماء وهمية .. << عدا عوكل << صدزي ..!! :قبعة: << لاحد يجي ويقول شكله يقصدني :مريض:
المقطع اللي فيه ترك للصلوات << الحمد لله اني لست من هذه الفئة .. ولكن احببت الاشارة لهم .. لاني اعرف ناس هذي حالهم ينام عن اربع خمس صلوات ويقوم يصليها جميع ..
(( نسال الله لهم العافية من هذا الابتلاء الخطير )) :'(
(( مصالة الموضوع ,, لاتعبر باي شكل من الاشكال عن مصالة كاتبه ,, ولذلك جرى التنويه )) :35:
اعتذر عن اهمال اي قانون دولي للقصة ودمج المقدمة مع النهاية مع الملخص .. كما اعتذر عن عدم اهتمامي بالمفردات وتوظيفها بالشكل المناسب .. :وردة:
وذلك راجع لعدة اسباب .. اهمها .. اني اكتب وضايق صدري ..
صورة مع التحية للبلدية :
اتمنى تزرعون امام كل بيت شجرة كبيرة وضليلة وقدامها نهر ,, تلافيا للاحراجات .. :نظارات:
https://toptop5.hooxs.com
