انواع البنات
العاقله!!
لما تفتح ماسنجرها ماتكلم حد.. تنتظر الكل يرحب فيها وهي تبتسم وتقول ..شكرا
واذا حد ارسل لها فايل او رابط اغنية حطت له علامة استفهام ؟؟؟؟
وتسكت نص ساعه ماتكلمه..!!!
ولما تكون متحمسه في الكلام.. تكتب كل كلمة في سطر وتضغط انتر !!
.. تخاف من الاخطاء الاملائيه.
وضحكتها عبارة عن ابتسامه واذا كانت مبسوطه مررره تحط ثلاث ابتسامات.:
المصلحجية!!
ماتسلم عليك الا مرة في الشهر.. تدخل عليك فجأه وتحط لك ورده !!. .
مع انها كل يوم متواجده وساكته..
وتستخدم مشغول في الخارج .. واذا احتاجت مساعدة تجيك وتسلم عليك وتقول وينك من زمان ماشفتك؟ شدعوه ماتسال علي؟
ترى اختي كل يوم تفتح ماسنجري واوصيها تبلغك السلام لاني مشغووولة حدي في الدراسة.. خخخخخ حلوه الترقيعه
وبعد ماتخلص مصلحتها تقولك عن اذنك بروح اكمل مذاكره واختي بتجلس مكاني لاتكلمها بليز ككككككككككك
الرسميـة!!
ترتب المجموعات الى قسم العائله و قسم الزملاء فقط.. طبعا مافيه قسم اصدقاء ..
واغلب كلامها مثل.. احترم نفسك..
رجاء هذي امور خاصة فيني..
ولما تسالها شخبارك؟ ترد انا بخير وتسكت..!!
واذا سلمت عليها ترد وعليكم وتسكت..!!
ولما تعطيها اهداء تقولك شمعنا انا بالذات؟ ككككككككككك ياحياة الشقا..
واغلب وقتها تقرا مواضيع في المنتديات
في قسم الرأي الاخر.. وتعشق برنامج الاتجاه المعاكس ككككككك
الهبلــة!!
هذي كل سوالفها ضحك .. وكل شوي تكتب نكته وتضحك لحالها.. وضحكتها طويله تقريبا ثلاث سطور..
واغلب كلامها بالصور.. تستخدم كل صور الماسنجر وغلطاتها الاملائية كثيرة..
وتجمع عدة اشخاص في صفحة واحده .. وتتكلم عن ثلاثة مواضيع في وقت واحد..
وتقرا العناوين الرئيسية في الجريدة وتجي تسال عنها.. ينقالها متابعة الاحداث العالمية خخخخخخ.
وكل شوي تغير الصورة الجانبيه.. والنك.. ولون الخط ككككككككككك.
الدفشــة!!
تغيب أيام طويلة مدري وين تروح وترجع فجأة ..
وكلماتها مثل.. شخبار امك عساها طيبة؟ يادلخ.. انقلع.. ضف وجهك.. ابي فزعه..
لاتزعل من خويتك تراني امزح..
ودايم تطيح الميانة.. وثقافتها ماتعدى المتوسطه.. وتفكيرها في البر والتفحيط والددسن.. وتمووت في اغاني خالد عبدالرحمن..
وماتعرف من العطورات غير دهن العود ابوعشرين.. ولو كلمتها عن ماركة قوتشي او ديور بتقولك مقاطعة الامريكان.. وضحكتها زي كذا هع هع هع
وتكتب بلون اسود لانها ماتعرف تغير الالوان هع هع.
البطــــة....!!
طباخة ممتازة وتحب تسولف عن الاكل .. ودايم جوعانه.؟؟.
ونقطة ضعفها الجالكسي جواهر والاندومي.. وقبل موعد العشا بساعه يكون مزاجها متعكر ودايخه و تسولف من غير نفس ...
ولما ينادونها للعشا تقفل الماسنجر بسرعة البرق.. ككككككك وعادة يكون نكها فراولة الخليج او شوكولاته أنيقة او رمانه مخصرة..
ودائما تتكلم عن تجاربها الفاشلة في الريجيم هع.هع
. مستحيل تشوفها في النهار لان الجو حار.. اوقاتها من العصر و طالع.
دمها خفيف ومرهفة المشاعر وأقل موقف ممكن يبكيها.
البريئــة!!
عمرها يكبر وعقلها مايتغير
مازالت طفله وعلى نياتها..
تثق في كل الناس وبسرعة تتأثر.. وكل يوم تسألك كم عمرك؟
تعشق سبيس تون وبينك بانثر و تحب تسولف عن الأزياء والتسريحات..
تتواجد في العصر و المغرب لانها تنام بدري.. ماعدا يوم الخميس طبعا !!
شعارها الدنيا حلوة..
احيانا تجيك سكتة قلبية من غبائها
ومع ذلك هي الاولى في المدرسه ..
لو بلغتها باسرارك بتفضحك في كل المنتديات..
تخاف من الأرنب والقطوه و أي شي يمشي على اربع رجيل..
حتى انت لو تمشي على اربع بتخاف منك
الشينـــة!!
اسمها الحقيقي .. حصه او عنبره او رقيه.. ويعايرونها في البيت ام ضرس
او الحولا او البطه او ام جبهة..
وتجي الماسنجر تتميلح وتقول اسمي الجوهره او فاتن او شهد او هيفاء ..
ودايم تنتقد و مايعجبها العجب..
واذا شافتك مشغول انواع الهواش والشتايم
واذا عطيتها وجه انواع الصفط والركب
تحتار كيف ترضيها..؟؟
تعطيها اغنية تقولك ماحب الاغاني
.. تعطيها كرت تقولك انا مو بزره قدامك..
تشبه سنفور غضبان.. كل شي يضايقها وكل شي يزعلها..
تكره اليسا ونانسي وتموت في الطقاقات
. ماتعرف تجامل ولاتمدح الا نفسها.
. دايم توصف نفسها بالجمال والرشاقه ..
تختار اسماء مثل الدلوعة.. الفاتنة.. الماسة .. الى اخره.
المتزوجـة!!
هذي ممكن تكون سبب في كرهك للزواج .. كل سوالفها عن مشاكل الزواج و غثى اعيالها.. وفجأة تقولك برب وتروح تصايح على اعيالها وترجع
وكل يوم تسألك متى ناوي تتزوج عشان نفرح فيك؟
واذا وصل زوجها للبيت تقفل الماسنجر في وجهك وتطلع من غير لاتقول باي ..
اوقاتها مختلفه مالها وقت محدد.. وترز صورة اعيالها في الماسنجر ينقالها تحبهم خخخخ
.. شعارها يازين حياة العزوبيه ..
نكها مثل المهمومه.. الجريحه.. المهاجره.. وتحب تسمع الكلام العاطفي وأغاني عبدالحليم.. مزاجها متقلب مره تضحك ومره تبكي واحيانا تنام على الكي بورد ------
عسى ما تزعلوا علي بس قلت خلني اوصل المواصفات هذه لكم وانتم اختاروا اية منهم تناسبكم.....
انواع التمــاسيح الشباب
العاقل
تشوفينه ينصحج واذا غلطتي يقولج يا حيوانه انتي مهب متربيه مهب مؤدبه)،هعهعهع،
( لا تكلمين الرجال مهب زين على صحتج،عههعه،عيمي، خافي ربج يا بنت )،
طيب يا اخي ليه داخل الشات الله العالم ،
وليه استقبلت الايميل بعد الله العالم، لا يمكن علشان ينصح بنات ويحذرهم من الشباب هعهعهع،
لدرجه تشكين فيه يمكن بنت الي تكلمج هعههعه، ولا يمكن خبيث ومكار وخطير ومسوي نفسه فاعل خير هععه.
اولا: الولد الايتيكيت البرستيج
كل كلامه احترام وبعد كل كلمه يحطلك خخخخخخخخخخخخخخ
يعني بلاصح ابتساااااامه صفرررا ومسوي فيهامواليد بريتانيا وهو يتعشى ضبان وينام مع الجمال.
ثانيا: الولد المعقد
يازينه ساكت لانه اذا تكلم على قولتهم يخربها جد
ينطبق عليه (سكت دهرا ونطق كفرا)وكل كلامه ليش تسوي جذي وليه
تسوي جذي تحسه محروم في بيتهم ومسوي رجال هنااا.
ثالثا: الولد السياسي
هالنوع حلو لكنه خبييث اول مايدش الشخص يقووله كيفك وبعديين يطنشه
علشاان اذا احتااجه في اي وقت يقوله والله كلمتك وانت ماردييت علي
واذا كلم البنت يقولها مو مرتبط ولا افكر بالارتباط يعني بالعربي لوتحبين نكون حبايب ماعندي مانع.
رابعا: الولد المغرور
كالعاده الكل عنده بلوك ويشغله كل فتره وفتره ولما نساله
وشخبارك يرد عليك من دون نفس والله مشغول وعندي ضرووف
وكل كلامه انا سوويت انا سوويت ومسوي اتيكيت قداام البنات وهو يشبك اخر الليل فلبينو عالياهو.
خامسا: دلوع ماما
حياتي كيفك شقاعده تسووين والله بايدي شوكولا باتشي وايبود
وياربي حياتي جايني صداع ياربي مادري شسوي مامي
مانعتني ادش النت حيااتي كئيبه ماكو احد اشكيله
يعني بالعربي تراني بكلمك فضيلي نفسك
وكل كلامه غرفتي كلها دباديب وورود كل ماطلع لازم ارووح البحر اتمشى.
سادسا: روميو الماسنجر
طبعا روميو الولد الكوول كل يوم مع وحده فااتح 6 صفحاات ماسنجر في نفس الوقت
ويلاااا اشتغل حبيبتي وحبيبتي ومتى عااد يوقف على باله يحبوونه
مادرى انهم بعد يقصوون عليه ولا حاط صورة فارس الاحلام عالحصاان الابيض
وحالف لالف وحده انه يحبها وفالاخير كل هالكلام عالفاااضي
وببنيلك قصر وحسابي مليوون وهو ياخذ مصروف من بابا المديوون
المصلحجي
يصبر عليك ، ولو سبيتيه وسفلتي فيه ، بيقولج بهداوه ليش أنتي معصبه،
اشوي اشوي علي، إذا غلطت فانا آسف حقك علي، هعهعههع،
وهو محترق تقولين( ماكل دقوس حااااااااااار وساكت) ،
ومسوي نفسه طيب وبريء وعلى قد نياته ، لين ما تلبين كل طلباته ، ترسلين له صورتك الخ...
الأهبل
أنتي في وادي وهو في الصحراء، تطلبين منه شئ ،
يقعد يضيع وقتك ويستهبل ، تطلبين يرسل نكته (يرسل لج أغنيه )،
تطلبين صور طبيعيه أو صور خياليه ( يرسل لج فلم عن الحيوانات الأليفة هعهعه)،
تشتكي منه يقولك (خلاص سوي لي بلوك ودليت )،
تسوين له بلوك( يرسل لج رسالة على الايميل ليش سويتي بلوك؟!!!!)
وإذا حذفتيه (يرسل لج رسايل على ايميل يهددك رح اخذ ايميلج . )
وش تبي يا صبي ؟! الله العالم ؟! شكله محتاج حنان ما لقى من امه!!!
الذكي
اي شي تقولين له يقولج حاظر ، ويصبر ،
واذا غلطتي عليه ، قالج : ليش كذا يا بنت الناس ما تبين تكلميني لا تكلميني لكن لا تغلطين علي ،
ولا رح اغلط عليج، (علشان البنت تقول لا والله هذا ما شاء الله عاقل ، ويمكن تفكر تستمر معاه)
ويرسل لج اي شئ واي خدمه طلبتي منه ما رح يقصر ،
ينتظر انتي تبدئين بلي في راسه(.مسوي نفسه فيلسوف ...ودارس علم النفس )هعهعهع
الدفـــــش
اي شئ قلتي ، (قالج مو على كيفج / مو خادمج،)
اذا ارسلتي له نكته قالج( شو تقصدين )،
واذا عصبتي( يضحك عليج،)
واذا قلتي مشاكلج ، (يقولج انا بروحي عندي مشاكلي مو ناقص عوار راس ، روحي كلي بندول ورح تنسين ، روحي نامي ،) واذا قلتي انت مشغول يرد عليج( اذا مشغول شفتني اتكلم معاج
، )
الرسمي
يرتب المجموعات اى قسم العائله وقسم للزملاء فقط ...وطبعا مافيه قسم اصدقاء
واغلب كلامه ...مثل..احترم نفسك رجاءا هذه امور خاصه بي ولما تسالو اش اخبارك
يرد ويقول بخير ...ويسكت ...واذا سالتو سوال ايجاوب بكلمه وحدي ما اعرف..
لان مايريد ايعلم احد ....اغلب وقتو يقرا مواضيع بالمنتديات
الخبل
هذاكل سوالفه ضحك وكل شويا يكتب نكته ويضحك لحاله وضحكته طويله طولها تقريبا 3 اسطر
واغلب كلامه بالصور يستخدم كل صور الماسنجر
وغلطاته الاملائيه كثيره ويجمع عده اشخاص في محادثه وحده
ويتكلم عن ثلاث مواضيع في وقت واحد ويقرا العناوين الرئيسيه بالجريده ويجي يسال عنها...
وبالماسنجر وقت الي يحكي اغير اللون كل شويا...يعني ما يستقر على لون.
البرئ
عمرا يكبر وعقلا مايتغير مازال طفل
وعلى نياته يثق في كل الناس بسرعه يتاثر وكل يوم يسالك كم عمرك..ويعشق البلي ستيش وافلام كارتون .
.يتواجد العصر والمغرب لانه ينام من وقت عدا يوم الخميس ...هوا شاطر والاول على المدرسه احتمال..
ولو قلتلو على سر يفضحك بكل منتدى...
المتزوج
هذا ممكن يكون سبب في كرهك للزواج لان كل سوالفه عن مشاكل الزوجيه والعجايا ضوجوني..
ومن هذا الكلام...وكل يوم يسالك ايمتي تزوج حتى نفرح بيك ويبدي ينصحك ...
واذا جت مرتو على غفلي وقعدت يمو يقفل الماسنجر ويقول انقطع الخط
أتمنى محد يزعل منـــــــــــــــــــــــــــــــــي
