في احد ايام رمضان المبارك كنت ماخذة اجازة من الصيام و خلصت صلاة الفجر
وذهبوا افراد العائلة كلٌ إلى مرقده كما أعتقدت
هم راحوا لغرفهم من هناوانا انطلقت للمطبخ من هناك
أخذت لي فيمتو وشبس وطلعت لغرفةالتلفزيون مبتهجة
وبينما أنا في خضم البلع والشفط والكركرة على مسلسل كوميدي
كنت اتابعه وداخلة جو
الا وينفتح الباب واشوف وجه كذا >
ويطلع أخوي"يونس"طالب في المرحلةالمتوسطة
يميل الى الامتلاء يملك عيون عسليةوحواجب كحلية
كان يونس في أشدالدهشة والانبهار والتعجب حتى ظننت انه قد يموت بسكتتن قلبية
يونس:ماصمتي
أنا وفي يدي كأس مليء بالثلج وكيس شبس كبر وجه أخوي يونس ليه أنت صايم ؟
يونس:وجع من جدك تسألين هالسؤال؟
أنا بكل ثقة وبجاحةوالله انت بعد سائلن نفس السؤال
يونس والله انتي اللي جالسة تبلعين وتشربين موب انا
ممممممم شفت الولد ماعنده نية يفهم استوعبت انه ياإما انه كان
غايب في درس الفقه منهج سادس ابتدائي
يااما ان مدرسهم طمرالدرس
ولاوش ذا الدلاخة
ومافيه مجال أصير ناسيه وأنا مجهزة العدةكاس ثلج وستر ومنقيه الشبس اللي أبيه
المهم قلت في نفسي والله لو يموت ماأعلمه انا عن ذا العلوم مو لهالدرجة انا وسيعة صدر والله أستحي
فما كان من الا اني فجأةقلت له
اسمع بقولك سر بس بذمتك لايدرون امي وابوي ولااحد أوعدن ماتعلم احد
وانك تحفظ سري هذا لين أموتان مت علم اهلي عاد خلاص مايقدرون يسوون لي شي
والللله ماأقول لأحداقسم بايات الله وبالقران ورب الكعبة وجعلي اموت اني مااقول لااحد اذا علمتين
خرجت هذه الكلمات من أخي يونس بحماس مشبع بالسعابيل المتناثرة التي لامست وجهي
:أجل شف بصراحة أنا مسيحيــــــــة
:لا والله قولي قسم بالله
:انا مسيحية ولا أقدر أحلف لان ديني غيركم < عشت الدور على طول
بس بقولك القصة يمكن تخف روعتك شوي
وتقدر تتفهمن و تحتوين وتحضنن(حسيتني بخرب الولد
القصة ومافيها
أني انا يوم كنت صغيرة ,ترى أهلي ماكانوا مهتمين بي زيك, كانوا بس يخلونن عند التلفزيون
ويروحون يتمشون..تعرف انا اول طفل لهم وامي وابوي كانوا توهم صغار وطايشين و طفرانين ببعض
وانا حسون دخيلة بينهم ماادري ليه جابون بسرعة اذا هم مايبغون
فجأة شفت عبرة خنقت يونس ذو القلب الكبير وهو يتابع بصمت وفضول وغباء
طيب ليش أجل تلبسين عبااااااية !! وانتي منتيب زينا<
قاطعن أخي يونس بكل دلاخة
رديت بنفس النبرة الكسيرة : حتى الفلبينيات يلبسون عباية..انا كنت البسها زيهم احسبها يونيفورم لسعوديات
ورجع من جديد بسؤال أذكى قليلا من السابق : طيب ماعلموك المدرسة الاسلام ؟!
:لا كنت أنام في الحصص وفي الاختبارات أغش :
واستطرد في القصة فلما كبرت وجيت أنت ..حبوك أمي وابوي من كل قلبهم وخافوا من أني انتبه لهالحب أو احسدك عليه
فقام أبوي يبي يلهين بشكل أكبر ..حط لي نت وقال لي هذا لك
اما هذا لنا "مشيرا بأصبعه المشعر إليك "
وخذوك معاهم ورحتوا تتمشون
يونس >
المهم صرت أحس فيه سر لازم أعرفه وصرت أدور في هالنت و انتشر هنا وهناك واتبعثر واتبخر واتكور
الى ان أخذتن رياح الأقدار الى امراءة تدعى الأم تيريزا
وقلت لها قصتي واحتوتن واعطتن الحنان اللي حرمون منه اهلي اللي يكرهون ويحبونك انت
بعدها صرت أحبها واسميها ماما ..ومع الوقت علمتن المسيحية وقالت اعتنقيها ياابنتي
واعتنقتها... ـ ـ وأهلي مايدرون وللحين مايدرون
يونس بلم وهو في حيرة وده يرد ولا هوب عارف خاصة انه حس نفسه السبب وتعاطف معاي
صمت لبرهة وبرهات وفجأة قال
: طيب ماتفكرين تسلمين ؟
لا أخفيكم سرا ..جتني ضحكة كبيرررررررررررة الا أني بلعته لدرجه صبت دموعي وسويت نفسي أبكي,
قلت له بصوت مخنوق : بس ماأعرفه ..أنا ماأعرف في هالحياة الا أمي تيريزا
داخ راسي من كثر الخرط عليه وجان النوم ..
قمت وعطيته كاسي بعد ماشربته كله وقلت خذ رجعه للمطبخ أنا تعبت من الصياح بروح أنام
جاء يوم غد ..وفجأة أسمع شي يخربش تحت باب غرفتي ..حامت كبدي حسبته صرصور ..قمت ابشوف مادريت الا كتيب ديني يندعس تحت الباب
واشوف ..الا عنوانه Islam
وافتح الباب بسرعة بشوف من اللي حاطه , الا واسمع صوت باب غرفة يونس يتسكر بقوة
هههههههههههههههههههههههههههههههههه ياانا ضحكت ضحكة بغت تنكسر شبابيك غرفتي
خلاص معد استحمل ,هالولد تحفة لازم تنحط في متحف اللوفر ,
لعنبوا بليسه وش ذا المخ
طيب يوم انك بتدعون ليه جايب لي كتاب دعوة بالانجليزي
شايفن شغالة ,على باله يوم صرت مسيحية ماعاد افهم عربي ,ماادري ذا الولد مخه وين
المهم انا عقب هالضحكة نسيت الكذبة ,ولهيت بمشاغل الحياة :
ومر كم يوم , وصادفت ان يونس مر جنب غرفتي وانا لابسة جلالي وأصلي,وأنا أسجد
مادريت الا بصوت رجول تراكض متجه نحوي ,واجلس من السجود الا ويونس يصيح ويحب راسي
أنا خلااااااص بفطس من الضحك ,يالله كملت التشهد وسلمت ,ا
لا وياخذن بالاحضان يونس صاحب القلب الكبير
الحمداللللللللله أسلمتي ,الحمداللللللللله أسلمتي
ودموعه تتقاطر على كتفي ( ياكثر مايوصخن ذا الولد يابسعبول يابدموع ..الله يصبرن
بس والله رحمته جاني الصياح صدق ,ماأدري هو إني عشت الدور ولا صياحه صيحن
ويمر أبوي قدام هالمشهد التراجيدي وينهبل
وجععععععع خير انهبلتوا ..وش صاير :
ويونس من هول سعادته كب العفش والعشا والقش كله
بنتك أسللللللللللمت أسلللللللمت
وللأسف انجلدت بعده بس عادي التعب والألم عادي مايجي شي عند هالخرطة اللي كبرالسما
ومشت على يونس الفتى صاحب القلب الكبير هو و كتيبه الدعوي
بأبروزه عندي و أهدده فيه اذا استبثر علي في المستقبل
وسلآمتكم . . .
لكن يـآنــــــ،ي ضحكت عليه هي واخوه ضحك غير طبيعي
منقوووووووووووووووووووووووووووووووول
