ندخل بموضعنا .
اخواني انا هنا اتكلم عن ظاهرة ليست بالجديدة وليست غريبه علينا جميعاً .
وهي الردود العشوائية .
اي موضوع نشوفه امامناً .
ندخل ونرد يسلمووووووووووووو - وشكرررررا لك - يعطيك العافية
واهو اصلاً تلاقيه ممكن انه ماقراء الموضوع
وهدفه زيادة رصيده بالمشاركات فقط ولا يوجد فائدة ابداً غير هذي .
اخواني انا هنا ابي اتفق معكم جميعاًُ .
ابي نتفق وتعطوني وعد ان حنا نبتعد عن هذا النوع من الردود
ونحاول ان اي موضوع بنعلق عليه ولا بنرد عليه نقراه ونكتب رائنيا ووجهة نظرنا
لازم يأخوان نتعلم الكتابة ونتعلم اسلوب الرد الجميل الي يخلينا بعدين نكتب كتابتات ابداعية مميزة
لازم كلنا هنا نخلق من نفسنا كتاب بطريقة جميلة اولاً نبدا بالرد وهي اول خطوة
لازم تكون ردودك تعكس شخصيتك واسلوبك الراقي
لازم ان حنا نشجع صاحب الموضوع .
الحين هو اخذ من وقته وطرح لك موضوع علشان تستفيد وتقراه وتستمتع فيه
هل تبخل عليه بتعليق حلو تخليه يتشجع انه يطرح لنا مواضيع مميزة مرا اخرى ؟
حتى انت لما بعدين تطرح موضوع بتلاقيهم كلهم يردون عليك ردود حلوة وكلها بعدية عن الردود العقيمة يسلمو وشكراً ويعطيك العافية
من الأن يأخوان ..
اي شخص بيضع رد اما انه يقرا الموضوع ويعلق عليه تعليق يناسب محتوى الموضوع
او اذا بيكتب ( يسلمو - وشكراً ) اتمنا انه مايعلق افضل ويضيع وقته ويشوه الموضوع .
لان بنحذف رده ولو تكرر وسواها اكثر من مراا بيتعرض لأيقاف العضويته ومنعه لدخول المنتدى لانه بيكون بهذي اللحظة شخص غير فعال ولن يضيف بوجوده معنا اي فايدة .
ماعندنا استعداد ان نضيف لرصيد المنتدى مشاركات لاتحسب ولا لها اي فايدة ولا لها اي معنا .
اعيد واقول اي شخص بيرد دود مالها اي معنى سيتم حذف ردوده اتمنا مايجي شخص ويقول ليه انحذفت ردودي او ليه توقفت عضويتي .
رد ردود مميزة جميلة عطنا رئيك بكل موضوع يتم طرحه
ماتعرف تعلق ماتعرف تكتب حاول اقرا وشوف وش استنتجت ووش استفدت ووش عرفت من الي قريته واكتبه واختصره قول رئيك وجهة نظرك بالي قريت مانبي اكثر من كذا
المواضيع الان اوشكت على انها توصل ربع مليون موضوع علشان نصنع ربع مليون موضوع جديد من ابداعنا لازم اولاً نحاول نكتب ونخلق اسولب للحوار المميز والتعليقات الجميلة .
هذي كانت رسالتي للاعضاء ..
الان جاء دور رسالتي للمشرفين والاداريين ..
اي شخص من هذي اللحظة ومن تاريخ موضوعي
يقوم بطرح ردود غير مفيدة عشوائية ليسئ لها معنا فقط يحاول ان يرفع رصيد مشاركاته
يتم حذف رده وليس تحريره .
ولو تكرر هذا الشي من نفس العضو اكثر من مره يراسلني ويبلغني عن العضو وسأقوم بأيقاف عضويته واتصرف معه .
اتمنا الاتزام من الجميع
هدفي من هذي الشغلة واضح
ان حنا نخلق من الاعضاء شخصيات جميلة لديهم سلوب جميل وابداعي
يستطيعون بالايام القادمة ان يكتبون ويصنعون مواضيع من جهدهم ومن اقلامهم بعيداً عن المنقول
وبعيداً عن النقل ونسخ المواضيع من المنتديات الاخرى
الاعضاء المميزين والمبدعين اتمنا انهم يستمرون في ابداعهم وتميزهم .
يعطيكم العافية واسف على الاطالة
واي مداخله لا مانع ان يتفضل فيها اي شخص من الاخوان الي معنا
اخوكم
asamashr
